BLACK FRIDAY!!

Hoxe é o Black Friday! ahhhhhhhhhhhhhhhhh

       E vos diredes, e que carallo é o Black Friday??? Pois mirade o Black Friday é o día seguinte a festa de Acción de Grazas en Estados Unidos de América. A festa de Acción de Grazas é unha das máis importantes en Usa, e celébrase dende 1863 cando o presidente Abraham Licoln decidiu dedicar un día para agradecer o que se tiña (sobretodo os que conservaban a vida) porque nese momento estaban en plena Guerra Civil Americana (1861-1865). Basicamente celebrase o cuarto xoves de novembro e o día seguinte, o venres é Black Friday (Venres Negro) porqué é o inicio -oficial- da tempada de compras navideñas.  

       E como xa podedes imaxinar en EUA de comprar saben moito, así que elaboran todo tipo de eventos especiais, aínda que as tendas xa están a rebentar sen facer nada especial, pero as tendas amplian os seus horarios, teñen decosntos especiais, promocións... e todo tipo de triquiñuelas para deixar os dolares nas tendas. Precisamente na pelicula "Un padre en Apuros" (Jingle all the way), Arnold Schwarzenegger vive un auténtico pesadelo intentando conseguir o xoguete do seu fillo en pleno Black Friday -mala idea, peor película!-.

     Bueno, o conto é que o Black Friday -como absolutamente todo que ven de EUA- vaise instalando no nosa terra, evidentemente non creo que vexamos no Carrefour carteis de Promoción Black Friday en Sanchichóns, pero xa hai empresas que empezan a facer "algo" parecido! De todas elas a máis descarada é Apple que directamente dende a súa tenda online fan descontos interesantes... aqui tedes uns exemplos do Black Friday de Apple -eu estou encantado!-

Apple Black Friday 2009

Apple Black Friday 2010

    Ben podían o resto de compañías fixarse un pouco, porque o Black Friday non é máis que unha técnica para que as contas de setembro saian un pouco mellor saneadas, a xente está moito máis disposta a mercar antes de Nadal con un pequeno desconto, mellor que nas rebaixas "a toro pasado" cun desconto maior, polo tanto é unha maneira de garantizarse dar saídas ós stocks de mercancía e aínda gañarlle máis que en rebaixas. Tamén porqué as ventas de Decembro son moi importantes na contabilidade das compañías e un mes con tanta importancia que pode cambiar a balanza de negativa a positiva do resto do ano.

   Que significa "Black Friday"??, pois ademáis de ese Venres Negro que fai referencia o día despois do día de Acción de Grazas créese que o termo naceu en Philadelphia a partir de 1966 aló usaban este termo para describir a cantidade de xente e coches que había por motivo das compras de nadal e depois en 1975 foise expandindo o termo ata hoxe.

E depois do Black Friday?? 

 CYBER MONDAY!!!

Algúns exemplos de Cyber Monday.

     Se algo saben en EUA é seguir mercando... pero claro o Black Friday para moitos consumidores era/é/será unha auténtica tortura polas colas inmensas, multitudes, a dificultade para aparcar e outros centos de inconvintes así que as mentes pensantes do marketing americano decidiron que ninguén no país podía quedar se gasar os cartiños e diseñaron o Cyber Monday, basicamente o obxectivo é seguir mercando e faise o luns seguinte o Black Friday, e claro para facilitar as cousas é todo por internet para aliviar un pouco as tendas de xente e tamén para que o que non se conseguíu no Black Friday non quede sen mercar.  O termo vense utlizando dende fai nada xa que EUA, úsase dende 2005 e pouco pouco vaise metendo en Europa.

     Unha das primeiras compañías en introducilo en España é a compañía de venda por internet Zavvi http://www.zavvi.es/home.dept da que eu son moi fan! Lle chaman  MegaLunes xa que en verdade o fan case tódolos luns do ano, e ben fan!

     

       Pois iso, dúas tradicións americanas que poden ser moi útiles para os petos dos consumidores. Por iso gústanme a min!!  

GRACIÑAS MOITAS GRAZAS!

  Este ano tiven moitísima sorte cos regalos, síntome moi afortunado porqué tiven aunténticos regalazos. Para darvos as grazas decidín facer este supercollage de fotos, con algúns dos agasallos. 

10-10-2010 Inolvidable!

E outra camiseta máis!

 Si, acabo de falar das camisetas dos Gremlins, pero na tenda online de Zara atopei este pequeno tesouro que polo menos é singular e non se parece para nada a que Zara tennos acostumados. A min a camiseta recordame un pouco o rollo de Kanye West no album 808's and Heartbreak, a min Kanye West páreceme un pailán que conste, pero o estilismo nesa época pareceume acertado. Tedes unha foto aqui para facervos unha idea;

Kanye pensando o que lle vai decir a Taylor Swift!

Pois este rollo o clonaron-reinterpretaron-chamádelle-como-queirades os esbirros de Amancio e os resultado foi o seguinte, na miña opinión quedou moi ben un pouco Kanye, un pouco David Delfin... un acerto seguro. Quéroa!

Not made for Love.

Os detalles son o mellor!

http://www.zara.com/webapp/wcs/stores/servlet/product/es/en/zara-sales/11044/12365/HEART%2BAND%2BLETTERS%2BT-SHIRT

Zara ataca de novo!

         Xa sabía que a tenda online de Zara non ía ser boa para ninguén, pois resulta que agora atacan onde máis doe, na infancia! Especialmente na miña, os oitenta están de moda -cando pasaron de moda? digo eu-, e que mellor que recoller todo iso e vólcalo nunha camiseta.
        E se algo resume moi ben o que foron os 80's iso son as dúas películas dos Gremlins, sinxelamente xeniais, xenialmente sinxelas. Aínda hoxe non coñecín persoa á que non lle gústase os Gremlins!  Van caer pero moi pronto....

A miña favorita!

  http://www.zara.com/webapp/wcs/stores/servlet/product/es/es/zara-sales/11044/165005/CAMISETA%2BGREMLIMS

  A que vedes arriba é a miña favorita con diferencia, sempre me gustou a imaxe de Gizmo cagadiño de medo dentro do casco. Parécemeun gran acerto por parte do deseñador! Outra imaxe que quedou grabada na miña retina é a do gremlin malo exhibicionista, o que levaba gafas de sol e gabardina e a mínima montabaa pardísima.... inolvidable é a escena dos gremlins malos no cine, creo que de pensalo aínda hoxe morro da risa!  Polo tanto creo que vou mercar as dúas a de Gizmo e esta outra do Gremlin malo...

A apartarse que veñen Gremlins!

Unha Colonia!

      Unha cousa que non soporto é o feito de que todo o mundo teña a malísima costume de regalar colonias e fragancias en Nadal, como se o resto do ano as perfumerías pechasen! Non o entendo, podo chegar a entender que é máis fácil regar unha colonia que unha peza de roupa. O fin e ó cabo, se non che gusta non a pos, e sanseacabó!

     Pero tamén hai que pensar que a colonia/perfume é algo moi personal, non hai que pensar se lle vai gustar ou non determinado olor, por qué os factores son infinitos; hai perfumes máis lixeiros que van mellor para o verán, outros un máis fortes máis apropiados para ó inverno, e os perfumes adaptánse ó noso propio olor corporal polo tanto hai probar ata atopar o apropiado. A demáis agora con marketing pois cada perfume ten un mercado ó que vai dirixido; xoves, treintañeiros, maduritos, pijos, modernos... ata ó infinito! Así que hai que buscar ben!

Os perfumes que máis me gustan a min son;

CK be de Calvin Klein

  

       Teño que decir que Calvin Klein non é un deseñador que me convenzca moito, pero si admito que marcou os noventas ca súa estética andróxina e a súas fragancias unisex. CK be saíu ó mercado en 1996 e aínda que é máis famosa CK one, eu a prefiro por qué me parece que ten máis caracter, a outra podería ser unha colonia calquera é CK be é Ck be!

       Aquí a podedes mercar moi ben de precio;

http://www.perfumesclub.com/es/lotes/C.K.-BE-LOTE-2-pz/Detalle/22823

http://www.perfumesclub.com/es/lotes/C.K.-BE-LOTE-NECESER-2-pz/Detalle/28856

  

      Clicade aquí para ver un video dunha máis-escuchimizada-que-nunca Kate Moss vendendo a frangancia;

http://www.youtube.com/watch?v=0iWxbAFaJoU&p=C09C116063E11654&playnext=1&index=5

L'eau d'Orange Vert de Hermès

         Os ingnorantes pensan que este perfume é de muller, pois non que é unisex! En realidade unisex é unha palabra moi CK, mellor como o define a casa francesa; para muller e para home. Pois este perfume está cheo de historia xa que nace en 1979 da man de François Caron (unha das mellores narices vivas). E fagamos un pouco de historia as Eau de Cologne nacen en Colonia e chamanse así por ser unha combinación de notas hespérides que se caracterizan por ter  unha porcentaxe de alcohol menor que as Eau de Toilette (todo o mundo pensa que é o revés, pero non!). O que fixo Françoise Caron na Eau d’Orange Verte de Hermès, foi destacar o arrecendo da pel de laranxa y das follas verdes da mandarina e o limoeiro.

Se non a coñecedes, é moi fresquiña.

Se ven nun kit como este mellor!

http://www.perfumesclub.com/es/perfume/hombre/EAU-D%27ORANGE-VERTE-eau-de-colonia-flacon-pompe-200-ml/Detalle/20476

Tokyo de Kenzo

        Teño que decir que me encantas os perfumes de deseñadores xaponeses, Issey Miyake, Comme des Garçons, Shisheido... todos! Pero este chamoume a ateción primeiro polo ollo e despois polo nariz. Creo que o que máis me impactara era un anuncio moi vibrante que recordo ver na televisión e que non atopo en ningures en internet, despois o packaging, especialmente do frasco, a pureza e a modernidade de xapón resumida nun frasco de colonia. Pois ben esta fragancia nace dun pensamento "Pola noite Tokyo vése mellor que de día" pois iso levado a unha fragancia, como te quedas? Pois a min flipoume e para colmo ten o que máis me gusta dunha fragancia os toques cítricos limón, pomelo, laranxa amarga, té verde... vamos todo o Xapón cabe dentro. Un 10!

   Neste link tedes o video; http://www.youtube.com/watch?v=X97uIco_BbE&p=77B5555BD9DB422D&playnext=1&index=5

   E para mercar, un par de páxinas que poden ser interesantes;

   http://www.outletbelleza.com/tienda/perfumes-hombre/kenzo/tokyo-by-kenzo-kenzo-edt-100-ml.html
  http://www.perfumesclub.com/es/lotes/TOKYO-LOTE-2-pz/Detalle/22643

O pisapapeis de Menganita

      O outro día dando unha volta con Adela, pasamos por Menganita (o da zona nova) e vin esta pequena marabilla, que me namorou. Este pisapapeis con efecto lupa, e se vos fixades é en realidade un sello italiano antigo. Fantástico, moi barroco todo, pero moi fermoso! Así que o quero! Directo para ó MeuWishList!

Xenial!

Dende que vira esa marabilla de pisapapeis en Menganita, agora fíxome máis neles e xa atopei algúns estupendos en Cantigas e tamén na tenda india que hay na rúa do Vilar, aquí tedes este que ten mapas como motivo;

Si tamén o quero, o de América especialmente!

Lanvin for H&M

    Como xa sabedes este ano o deseñador invitado a colaborar con H&M é.... nada máis e nada menos que Alber Elbaz e Lucas Ossendrijver os diseñadores das collecións femenina e masculina respectivamente da casa Lanvin. Unha casa de costura francesa recentemente relanzada, renacida e envidiada.

   Falemos entón un pouco da Casa Lanvin porque ten unha historia moi interesante detrás. Para empeza a casa nace en 1885 en París, pero non en calquera parte de París, nada e nada menos que na rúa Faubourg Saint-Honoré que estaba destinada a convertirse na rúa máis importante do mundo da moda. De ahí saíron Lancôme, Hermès, Lanvin e onde está a residencia do presidente da república francesa, unha rúa moi normaliña! Pero o realmente interesante é a historia da familia. Vamos por partes para que non me lie...

    Jean Marie Lanvin funda a casa en 1885, pero o mellor é que o seu avó, Firmin Lanvin, axudara a escapar de París a Victor Hugo no golpe de estado de 1851. Como vedes unha familia interesante, ela casa co conde italiano Emilio di Pietro teñen unha filla Marguerite "Marie Blanche" di Pietro que decide facerse cantante de ópera e casa co conde Jean de Polignac -mal ollo tiña ela!- . (A condesa de Polignac, era unha das cortesanas favoritas de Marie Antoinette en vida, se lembrades o film de Sofia Coppola e a que dí; Este es el chalet de la gallinas! E Jean de Polignac sería o dos seus descendentes.) Jean Marie empeza  a facer algo moi curioso, empezou a diseñar traxes para mulleres e para as súas fillas de maneira que fosen combinadas, o que no París da época foi toda unha revolución. En 1909 entra no sindicato de costura, algo con moito prestixio e despois empezará a diversificar o negocio con lineas para home, decoración.... ata que 1927 nace o primeiro perfume da casa, Arpège, que faría tremendamente famosa a casa de costura. Durante a década dos 1930 Lanvin faise moi coñecida por os seus motivos florais, que acabarían sendo marca da casa.

   Ela morre en 1946, e será a súa filla a que tome as rendas do negocio, xa que tampouco lle fora especialmente ben no mundo da ópera pero morre a súa vez en 1958, a partir de este momento a casa Lanvin pasa a ser propiedade de diversos bancos que a venden e a revenden ata que vai perdendo a gloria ata que case se convirte en pena, pero en 1980 o diseñador belga Fraçois Crahay devolve o esplendor a casa en 1990 o grupo Orcofi (básicamente o grupo LVMH) compra a casa e véndella en 1996 ó grupo L'Oreal que decide venderlla, en 2001, á Madame Shaw-Lan Wang (os de L'Óreal aínda deben de estar chorando por tan intelixente movento financiero). Madame Shaw-Lan Wang é unha especie de Anna Wintour, orixinaria de Taiwán, con moito gusto pola moda e mellor ollo para os negocios que decide contratar a Alber Elbaz, quen xa deseñara para Guy Laroche e Yves Saint Laurent. E aquí onde Lanvin vive outra idade de ouro.

     Pero, que ten Lanvin que non teñan outras marcas? Pois moi fácil, renome.

Lanvin é casa de costura parisina máis vella en funcionamiento.

Iso non o pode decir nin Hermès, nin Chanel...nin ningunha outra casa francesa, ahí esta a diferencia. Este é o video da colaboración entre os dous extremos da moda;

E despois de este super-speech aquí ven a miña listaxe de cousas;

As gafas 19,95€

    Creo que nunca levaría unhas gafas tan grandes, pero polo simple feito de estar deseñadas por Alber Elbaz e ter o nome Lavin xa merece a pena poñelas. O mellor é ese toque de seductor francés, ó Sergé Gainsbourg, que as fan moi interesantes.

Os zapatos 79,95€

    Ese azul eléctrico en charol, non creo que se agoten nas tendas e non penso que haxa moitos homes suficientemente valentes para sair a rúa con eles. Pero se podo eu merco un par, ir de festa con esas marabillas nos pés ten que ser fantástico, aventuras mil!

A gabardina 129€

    Así xa teño o total-look exhibicionista; gafas de sol+zapatos+gabardina= sopresa!. Fai tempo que busco un trench clásico, sen nada, o máis neutro posible para que me dure moitos anos e creo que acabo de atopar.

O esmoquín 199€

   Xa sei que aínda foi onte cando comprei o primeiro traxe, pero esto é empezar e non parar! Se algún día teño ocasión de lucir un esmoquín, pois que sexa dunha casa de costura mítica, do Zara non é o mesmo! Quero levar algo que me faga sentir como un marqués ou un duque.

O foulard 39,95€

   É unha marabilla, a min a combinación entre branco e negro paréceme sempre moi interesante. O que me falta por saber é material porque se fose de seda, sería xa perfecto.

    E esta é o resto da colección para home, para que vaiades vendo os precios. Están en dollares americanos pero en euros por ahí lle andará. O 20 de Novembro de 2010 ponse a venda en EUA e Canadá e o 23 no resto do mundo, non creo que ningunha tenda galega teña a colección, pero polo menos podemos esperar que a futura tenda de Marineda City teña por fin, o peso suficiente como para albergar este tipo de coleccións. Teremos que cruzalos dedos! Se queredes ver con máis detalle, clicade sobre a foto;

     Aquí tedes a páxina web onde podedes ver as tendas seleccionadas (ningunha galega! arggg); http://www.hm.com/es/#/Lanvin/

ACTUALIZACIÓN  21-11-2010

     Xa falta moi pouco para que H&M saque a venda a colección diseñada por Alber Elbaz para Lanvin, o 23 de Novembro xa estará dispoñible nas tendas e esta vez H&M puxo todo da súa parte para crear aínda máis expectación. Por exemplo, fixo algo moi innovador e sorprendente; unha subasta online dos modelos de alta costura de Alber Elbaz e algúns dos seus bosquexos.
   Aquí tedes a páxina web por se queredes puxar por algún modeliño; http://www.lanvinforhm.com/ e todo o recaudado irá a UNICEF. Así que non me queda máis remedio que felicitar a H&M por esta nova estrátexia mediática, un éxito sen dúbidas, e tamén pola solidariedade.
     E unha revolta mediática é precisamente o que estan a conseguir os suecos, senón fixadevos o artículo que lle dedican no xornal El País; http://www.elpais.com/articulo/cultura/Lanvin/H/26M/flechazo/Nueva/York/elpepucul/20101119elpepucul_2/Tes.
     A mala nova para ós galegos é que outra vez, H&M decidiu que ningunha das tendas que ten en Galiza ten nivel suficiente como para recibir tal colección, mensres tanto eu sigo cruzando os dedos para que a próxima tenda de Marineda City sexa unha das máis grandes da terra, o suficiente como para recibir todas as coleccións de H&M e especialmente as colaboracións con deseñadores de primer nivel.
     Pero a parte de este tema xa se fixeron algúns pases privados da colección, xa sabedes para famosillos, bloggers, e fashionistas así que en internet xa hai algunhas imaxes dos vestidos, traxes e demáis cucadas pero a min chamoume sobre todo ó packaging, e se non mirade que marabillas;

A bolsa.

A caixa de zapatos.

Parte posterior da bolsa e caixiña da cravata bolvoreta.

        Non me negaredes que as bolsas cos deseños de Alber Elbaz e cas asas de lazo son fermosas, e a caixa da cravata bolvoreta é unha pequena marabilla. Eu non teño moi claro se estas caixas chegarán a todo o mundo, ou son só para presentacións pero dendo logo son preciosas.
         Eu xa non podo esperar máis!

O lápiz de Ariel.

Hoxe estou moi inspirado así que xa podedes esperar calquera barrabasada ou andresada por estes lares... Avisad@s quedades! 

O lápiz dos meus desexos.

     E de que vos vou falar? Pois do lápiz quitamanchas de Ariel "Ariel Stain Pen" que foi un producto fantástico e marabilloso que Procter & Gamble lanzaron aló por 2006, a min paréceume tan fantástico e moderno que cheguei a pensar que vivía nun pais civilizado ou desarrollado. Pero non, equivoqueime de cheo porqué por algún motivo deixouse de fabricar e vender en España. E mira que é útil, o formato é ideal para deixar nun caixón no traballo ou no coche, e non era nada caro uns 5€, que está moi ben! Eu lembro que lle regalara un a Carlos Andrés e fixéralle moita coña, e xa está, non o volvín a ver na miña vida.

    Así que facédeme un favor, se algún día vedes algún ou ides a un super en calquera outro pais europeo (aló si os teñen porqué son civilizados!) e o vedes.... ACORDÁDEVOS de min e collédemo, por favor! Mellor collede todos cantos haxa, que xa volos pago eu!

Aquí tedes o spot (mira que gastaron cartos para nada!);

 

Mancha ¿Por qué no te callas? Ariel ¿Por qué no lo vendes?

O meu primeiro traxe.

     Hoxe merquei o meu primero traxe, e algo pois tan así, como sen importancia... ó parcer queda grabado para sempre. Digamos que sería unha especie de ritual de madurez no mundo occidental. Vamos que vou vello, para entendernos. 

     Xa sabedes que un señor moi moi importante, presidente dun pais moi moi pequeno vai vir de visitiña, pois non sei ben por qué teño que ir a recivilo, de ahí a miña urxencia polo traxe. Nun principio iba mercar un de Uniqlo en New York, que era fatástico pero o pantalón quedaba un pouco como que si pero que non! Así que o deixei, en Zara de Compostela todo horrible e ademáis caro e non tiven máis remedio que ir A Coruña e mercalo nos suecos H&M. Resultado; estou contentísimo cun traxe que me queda perfecto e ademáis é baratísimo. 

    Pero básicamente do que vos quero falar é dos complementos, por qué merquei unhas cucadas que a xente vaille dar exactamente igual pero a min fánme feliz.

A Cravata

A cravata de Uniqlo.

 Os accesorios marcan a diferencia e a cravata é fundamental. Merquei esta na tenda Uniqlo do Soho en New York, por qué ademáis de estar de moda as cravatas de punto, esta é moi finiña, moi o rollo de Heidi Slimane para Dior Homme, así que para ó cesto!

O Foulard

O foulard de Blanco.

    Pois sí, esta pequena marabilla e tan discretiño é de Blanco. Xa sei que é increíble, pero o único que é increíble en realidade é o seu prezo, 8 miserables euros. Ademáis de ter un tacto fantástico e moi quentiño. Así que mellor imposible!

Os Zapatos

Os zapatos de Zara.

      A primeira vista poderíades decir que os zapatos non teñen nada, e tedes razón! Por iso me gustan por qué nin son oxford, nin teñen moita punta, nin son de charol... nin nada polo estilo. Son uns zapatos normais que podo levar cun traxe ou cuns vaqueiros. Pero a parte teñen un detalliño de deseño agochado que os fan moi interesantes.... Na suela teñen o diseño do mapa de Milán, cando o vin case caio pa'trás! Xa fai tempo viralle a bolsa de Óscar cun mapa en relieve, e xa daquela encantárame así que podedes imaxinar que contento estou co feito de atopar algo similar cun mapa de Milano. E claro foi amor a primeira vista, ter o Castelo Sforzesco o Corso Magenta ós meus pés é algo moi tentador... Hai quen leva Prada nos pés, eu levo todo Milán. :) 

Castelo Sforzesco e rueiro de Milán os meus pés.